Вольга Дзёмкіна: сэрца маё – ў Францыі, а душа – у Беларусі
Сёння гутарка пойдзе пра нашу вядомую зямлячку, майстра габеленаў – Вольгу Дзёмкіну.
Але найперш, што ж такое габелен. Габелен (фр.: gobelin) — адзін з відаў дэкаратыўна-прыкладнога мастацтва, сцянны бязворсавы дыван з выявай нейкага сюжэту ці арнаменту, які ткуць рукамі, перакрыжоўваючы ніткі. Для габеленаў выкарыстоўваюць шаўковыя і ваўняныя (рус. шерстяные ) ніткі.
Калі коратка - габелен – вытканая карціна. Менавіта іх і стварала Вольга Дзёмкіна.
Вольга нарадзілася ў 1953 годзе на Віцебшчыне ў Лепельскім краі. Яна была чацвёртым дзіцем у сям’і Васіля Яфімавіча і Настассі Фёдараўны. Скончыла ў 1977 годзе Рэспубліканскую школу-інтэрнат па музыцы і выяўленчаму мастацтву імя І. Ахрэмчыка, аддзяленне тканін і мадэлявання адзення, затым аспірантуру Акадэміі мастацтваў ў Мінску.
У 1996 годзе паехала на выставу ў Францыю, разам са скульптарам Аляксандрам Фінскім прадстаўлялі беларускую творчасць. Там пазнаёмілася з музыкам-скрыпачом, кампазітарам Жоржам Пасот. Неўзабаве яны пажаніліся.
Прафесійнае станаўленне Вольгі адбылося ў Беларусі, і мае працяг у Францыі.
Вось толькі некаторыя яе работы (Паказ слайдаў. )
Творчасць Вольгі Дзёмкінай набыло сусветнае значэнне:
- Яе творы знаходзяцца ў Музеі сучаснай беларускай дзяржаўнасці, Нацыянальным мастацкім музеі Беларусі, Нацыянальным гістарычным музеі Беларусі, Музеі сучаснага выяўленчага мастацтва ў Мінску, ДУ "Гісторыка-культурны музей-запаведнік" Заслаўе ", а таксама ў многіх музеях, галерэях, банках, мэрыях, тэатрах, замках і пасольствах Францыі, ЗША і прыватных калекцыях.
- З'яўляецца членам Асацыяцыі Мастакоў Францыі. Яе аўтарскія правы абаронены Cote Drout (Парыж).
- Мастачка адзначана многімі медалямі і дыпломамі, але самымі дарагімі лічыць Залаты медаль публікі і медаль Нацыянальнай асамблеі Францыі.
- Вольга Дзёмкіна працуе ў галіне дэкаратыўна-прыкладнога мастацтва (габелен, батык, сцэнічны касцюм), жывапісу, графікі, кніжнай графікі, манументальнага мастацтва.
- На выставе, якая адбылася ў верасні 2019 года ў Мінску, прадстаўлена больш за 50 яе работ - жывапіс, графіка, габелен, кнігі, праілюстраваныя мастачкай і выдадзеныя пад яе эгідай на пяці мовах свету (беларуская, руская, іспанская, французская, англійская).
Адну з такіх кніг падаравала В. Дзёмкіна і нашым навучэнцам падчас адкрыцця стэнда ў в. Новае Поле. (Дэманструем кнігу “Мы – племя баранаў: ад Галіі да Індакітая”). Кніга глыбокага філасофскага зместу багата аздоблена ілюстрацыямі нашай зямлячкі.
У сваёй прамове ўдзельнікам свята заўсёды заставацца Беларусамі з вялікай літары, дзе б яны не былі, чым бы не займаліся, была сустрэта шчырымі апладысментамі ўдзельнікаў і гасцей мерапрыемства. Лагічна менавіта гэтымі словамі завяршыць сённяшнюю сустрэчу.
Дзякуй за ўвагу.
